L!fe & Rel!g!on ッدنـيـ! و ديـن

..

هبطل منظره "الرياء في العبادات"

لما يجي واحد ويقولك بطل رياء ، أنت مرائى !!! هترد تقوله : يعني إيه ؟

هيقولك يعني : الشركُ الأصغر

و سُمّي الرياء بالشرك الأصغر لأنّه يشبه العبادة لغير الله فهو من كبائر الذنوب وليس مما يخرج من الإسلام

طيب بردو مفهمتش يعني إيه مرائي ...

وأنا بقولك : لو قرأت معايا حديث الرسول عليه أفضل الصلاة والسلام هتعرف يعني إيه رياء

شوفوا كده معايا .....

عن أبي سعيد الخدري قال : خرج علينا رسول الله ونحن نتذاكر المسيح الدجال فقال : ألا أخبركم بما هو أخوف عليكم عندي من المسيح الدجال ؟ قالوا : بلى، قال : الشرك الخفي يقوم الرجل فيصلي فيزين صلاته ، لما يرى من نظر رجل

المصدر : شرح كتاب التوحيد لابن باز - خلاصة حكم المحدث:صحيح

.
.

وكذلك قوله تعالى : يَا أَيُّهَا الَّذِينَ آمَنُواْ لاَ تُبْطِلُواْ صَدَقَاتِكُم بِالْمَنِّ وَالأذَى كَالَّذِي يُنفِقُ مَالَهُ رِئَاء النَّاسِ - سورة البقرة

يعني الرياء بكل بساطة : لما تعمل الحاجه وتبتغى الثناء من الاخرين وليس ابتغاء مرضاة الله عزوجل

يعني بتتمنظر بالعبادة إللى بتؤديها عشان الناس تشكر فيك

وتقولك ماشاء الله ده أنت متدين وملتزم ...

.
.

يمكن معظمنا يكون مش واخد باله ان افعاله دي عباره عن رياء

وبعد كل إللى بيعمله ده مش هياخد الثواب إللى بيتمناه

عارفيين زي إيه ...

لما تصلى قدام الناس وتعلى صوتك في كل ركعة عشان تلفت انتباهم إنك بتصلى كويس وبخشوع

لما تقرأ القرآن بصوت عالي لمجرد انك شفت ناس ماره امامك وعايز تسمعهم ان صوتك جميل في القراءة

لما تتصدق وتفضل تحكى بكل فخر انك لقيت شخص غلبان وتصدقت عليه بمبلغ كبير

ولما تنصح غيرك قدامك الناس كلها وتفضل تستعين بالادلة الشرعيه من الكتاب والسنة النبويه ، عشان الناس تفضل تثنى عليك وعلى علمك ومعرفتك في الدين

.
.

والخلاصة ...

الرياء له أنواع كثيرة منها الظاهر ومنها الخفى ...

لكن أحنا مش هنقدر نعرض كل الانواع دي دلوقتي

بس حبيت أوضحلكم بكل بساطة إيه هو الرياء في العبادات " المنظره " بمعنى أبسط

.
.

خلى عملك كله خالص لوجه الله تعالى ..

فاجتهدوا يا عباد الله في العبادة مع إخلاص النية لله عزوجل ونقُّوا قلوبكم

وخلى رمضان ده معنى حقيقي لعباداتك من صلاة وصيام وقيام ودعاء

بدون ريـــــــــــــــــــــاء

خالصة لوجه الله تعالى

بس ياريت محدش يقولي هبطل اتصدق وانصح الناس وغيرها من العبادات خوفاً من الرياء ........

لأ بالعكس .. قال الفضل بن عياض : العمل من أجل الناس شرك ، وترك العمل من أجل الناس رياء والإخلاص أن يعافيك الله منهما

من ترك العمل خوفا من الرياء فقد ترك الإخلاص والعمل

.
.

ومن أجمل ماسمعت من أدعية تجنب الرياء

كان من دعاء مطرِّف بن عبد الله : اللهم إني أستغفرك مما تبتُ إليك منه ، ثم عدت فيه ، وأستغفرك مما جعلته لك على نفسي ، ثم لم أفِ لك به ، وأستغفرك مما زعمتُ أني أردت به وجهك ، فخالط قلبي منه ما قد علمتَ

.
.

وأخيرااااااا
اللهم إنا نعوذ بك من أن نشرك بك شيئاً ونحن نعلم، ونستغفرك لما لا نعلم

أختكم في الله
فتاة مسلمة
منقول